Local News

‘Take the congressman as a joke’ Vice Ganda, may patama ba kay Rep. Marcoleta?

Kahapon ay nagsalita sa kongreso si Representative Rodante Marcoleta upang isiwalat ang diumno’y mga kasalanan ng ABS-CBN para hindi na ito bigyan pa ng prangkisa. BInunyag ni Marcoleta ang mga paglabag ng istasyon sa labor codes at ang ginagawang pamamaraan nito para mapababa ang pagbabayad sa buwis.

“Ang asunto na isinampa ng mahigit 100 manggagawa ng ABS-CBN sa National Labor Relation Commission o NLRC dahil sa pagtanggal sa kanila dahil sila raw ay mga talents lamang at hindi regular na empleyado. Nanalo po ang mga manggagawa sa NLRC at sa court of appeals. Bakit hindi na lang nila (ABS-CBN) sinunod ang hatol at umapela pa sa Korte Suprema? Ito ba ang sinasabi nila sa kanilang opening salvo na ang pagmamahal nila sa Kapamilya ay ganun na lang,” sabi Rep. Marcoleta.

“Hindi po ba mas maganda at katanggap-tanggap na tumulong sa kapwa na walang nilalabag sa batas at buong sikap na nasusunod ang prangkisa. Dahil po ba kayo ay nakakapagdulot ng saya, aliw sa ating mamamayan, nakakapagbigay ng inspirasyon, katatagan ng loob, pag-asa, katulad sa sinabi sa opening salvo ng representative ng ABS-CBN, hindi na po ba natin susundin o tutuparin, isasalang-alang ang batas, o ang prangkisa ninyo? Makakapagpasaya naman tayo, makakapag-inspire tayo nang hindi po tayo lumalabag sa batas… Hindi po nag-comply sa batas ang ABS-CBN kaya hindi po sila pwede lumabas at magpalabas,” dagdag pa ng kongresista.

Ilang oras Matapos ang naging talumpati ni Representative Marcoleta ay nag post ang isa sa sikat na talent ng ABS-CBN na si Vice Ganda sa kanyang social media account. May pinatutungkulan itong kongresista na dapat daw ay ihalintulad na lamang sa isang patawa. Kalakip ng kanyang post ay ang hashtag na #ibalikAngABS-CBN.

“Hahahhaah!!!! Take the joke seriously. Take the congressman as a joke. Chugug!!!
#NewNormal #IbalikAngABSCBN” – Vice Ganda.

Source: jose marie viceral | Archive

Leave a Reply

Theme by Anders Norén